Fullt um að vera í Apríl!!

Nú geta DIMMU aðdáendur heldur betur glaðst, hvar sem þeir eru á landinu... eða nánast hvar sem er ;)
Strákarnir í DIMMU eru soddan hörkutól að þeir ætla að halda tónleika í Reykjavík, Akureyri og Akranesi í Aprílmánuði.
Ekki nóg með þetta heldur skutust drengirnir til Ísafjarðar síðasta sunnudag, spiluðu þar og vöktu mikla lukku.

Dagskráin í apríl er sumsé eftirfarandi:

Laugardagskvöldið 15.Apríl spilar DIMMA asamt Noise á Grand Rokk.
Giggið hefst um miðnætti.

Föstudagskvöldið 21.Apríl er það Breiðin uppá Skaga. kl 20:00
Þar verður DIMMA ásamt Nevolution, Modern day majesty og Burn Off.
Það kostar 800 kall inn

Föstudagskvöldið 28.Apríl mætir DIMMA loksins á svæðið á Akureyri og verður í svakalegum rokkfílíng í Húsinu (Rosenborg) kl. 20:00
sem og: Nevolution, Modern Day Majesty og Morðingjarnir.
Kostar 800 kall þar líka.

Þetta verða án efa alveg svakalega frábærir tónleikar allt saman og mælum við Grúppíur með því að fólk nýti tækifærið og mæti á svæðið!! Sérstaklega ef þið hafið aldrei séð DIMMU á sviði, þeir klikka ALDREI!

Á sama tíma og við kynnum dagskrá DIMMU í apríl með mikilli gleði þá viljum við Grúppíur nýta tækifærið og kveðja ykkur með mikilli sorg í hjarta.
Við höfum tekið þá erfiðu ákvörðun að hætta með þessa Grúppíusíðu.
Ástæðan er einfaldlega sú að aðstæður hafa breyst og finnst okkur við ekki geta sinnt síðunni og ykkur öllum eins og þörf er á.

Við höfum lagt mikla vinnu í þessa síðu og erum stoltar af henni sem og Grúppíutitlinum okkar, sem við munum engan veginn leggja á hilluna!
Við erum og munum alltaf verða DIMMU grúppíurnar. Okkur finnst DIMMA ÆÐI!

Við þökkum stuðninginn og samfylgdina og bendum ykkur á að kíkja á My space síðuna hjá DIMMU til að fá upplýsingar um gigg í framtíðinni.

Með Rokk Kveðju
Grúppíurnar.

Big Bad Mama á topp 20

Fyrir þá sem ekki þegar vita, og fyrir þá sem þegar vita, er okkur sönn ánægja og mikill heiður að segja ykkur frá því að DIMMA er nú komin á topp 20 listann á X-inu 97,7 með lagið Big Bad Mama. :) SNILLINGAR!
Við erum endalaust stoltar grúppíur þessa dagana.

Mál málanna í dag er hinsvegar Miðnæturrokkmessa á Gauknum alkunna í kvöld. DIMMA er auðvitað aðalnúmer kvöldsins en auk þeirra munu koma fram hljómsveitirnar TRANSSEXUAL DAYCARE og SHADOW PARADE. (grúppíurnar hafa fengið fréttir af því að DIMMA mun spila nr.2 í röðinni, fyrir ykkur sem viljið vita það). Það er með miklum harmi sem við þó verðum að tilkynna fjarveru okkar í kvöld (sniff, sniff) en treystum á YKKUR HIN, alla dygga DIMMUaðdáendur, að mæta tvíefld á svæðið og fylla skarð okkar, þó erfitt sé. Vonum, og vitum, að rokkað verður feitt á Gauknum í kvöld.

Að endingu látum við svo fylgja með einn heitan link sem við hvetjum ykkur öll til að skoða. Big Bad Mama

Bæ í bili :)

p.s. allir að muna að hringja á X-ið og biðja um uppáhaldslagið okkar - skellum DIMMU á toppinn!!!

Sprelllifandi

Halló halló halló
Grúppíurnar heilsa eftir allt of langa fjarveru og um leið og við biðjumst afsökunar á því og finnst það rosa leiðinlegt, þá er gaman að vita að þið voruð farin að sakna okkar, og greinilegt að DIMMA á tryggustu aðdáendur í heimi ... sem skilar sér svo til okkar líka.

Við Grúppíur erum sannarlega ekki dauðar og alls ekki búnar að segja upp störfum. Hins vegar hafa orðið þónokkrar áherslubreytingar milli okkar og DIMMU og upplýsingaflæðið langt frá því að vera það sama og áður. EN, þegar góð hljómsveit eins og DIMMA er annars vegar deyr maður ekki ráðalaus og gefst ekkert upp þótt móti blási, NEI, við finnum bara aðra leið og höldum áfram :)

En nú að hljómsveitinni okkar, DIMMU. Þeir strákar ætla að gleðja músíkþyrstar miðbæjarrottur, og aðra sem leggja leið sína í 101, í kvöld og annað kvöld. Staðurinn til að vera á í kvöld er DILLON á Laugaveginum og annað kvöld er alveg málið að láta sjá sig á Gauknum en þar mun, ásamt DIMMU, hljómsveitin Perfect Disorder koma fram og jafnvel fleiri gestir.

Við Grúppíur hlökkum mikið til að mæta á DIMMUtónleika once again og reiknum með að sjá ALLA gömlu vini okkar þar :)

Föstudagurinn 16. des

Nú getum við grúppíurnar og allir sannir DIMMU aðdáendur glaðst yfir því að á föstudagskvöldið næstkomandi verður DIMMA að spila á Gauknum!
Fráhvarfseinkennin eru orðin allsvakaleg hjá grúppíunum og löngu tímabært að fá þá á svið aftur. Ásamt DIMMU mun hljómsveitin Nilfisk stíga á stokk en enn er óvíst í hvaða röð hljómsveitirnar koma fram og því hvetjum við alla til að mæta tímanlega á svæðið (uppúr tólf).
Auk þess að fá DIMMU-tónana beint í æð á föstudagskvöldið verður einnig hægt að fjárfesta í DIMMU-geisladisknum á staðnum og mun hann einungis kosta krónur fimmtánhundruð. Þið ykkar sem enn hafið ekki tryggt ykkur eintak af þessum stórgóða geisladisk fáið þarna nánast einstakt tækifæri til að kaupa hann á gjafaprís. Getum við grúppíur ábyrgst það að þetta er góður hlutur í hvers manns jólapakka í ár ;)
Sjáið t.d. hér hvers konar umfjöllun DIMMA er að fá !

Við lofum fjöri á föstudagskvöld
... og mun fjörið hefjast með þessum orðum:
"Við erum DIMMA"

Rokkarinn

Allir Dimmu-aðdáendur takið eftir:

Í kvöld, 24. nóvember, klukkan 22:00 - 00:00 mun DIMMA vera gestur Rokkarans á X-fm 91,9. Þar mun vera spjallað við hljómsveitarmeðlimi auk þess sem lögin af nýja DIMMU-disknum verða spiluð.

Það er ekki að spurja að því að við grúppíur munum sitja límdar við útvarpstækið í kvöld ... og hvetjum ykkur öll til að gera slíkt hið sama þar sem þvílíkt gæðaefni er hér á boðstólum.

DIMMA loksins kominn út :)

Eftir laaanga langa bið er DIMMUdiskurinn DIMMA loksins kominn út. Síðan við grúppíur fengum diskinn í hendur (áritaðann að sjálfsögðu) höfum við ekki getað slitið okkur frá græjunum!!! Diskurinn er ekkert annað en TÆR SNILLD og gerir okkur svo sannarlega stoltar af því að vera grúppíur hjá þeim strákum :)
DIMMA er til sölu í verslunum Skífunnar (fyrir ykkur sem enn hafið ekki fest kaup á þessu meistarastykki) og fæst einnig í versluninni 2001, þar sem hann er á sérstöku tilboðsverði. Við hvetjum ykkur að sjálfsögðu til að bruna hið snarasta (2001 er á Hverfisgötunni) og tína upp úr vasanum 1799 krónur fyrir disknum. Þið sjáið sko ekki eftir því ;)

Af DIMMU er það annars helst að frétta að þeir munu spila BEINT á Rás 2 næstkomandi föstudag (það er 18.nóvember) klukkan 15:00 (það er klukkan þrjú um daginn). Allir að hlusta :) Þið sjáið sko ekki eftir því ;)

Við, Grúppíurnar, erum svo að myndast við að setja inn myndaalbúm hérna á síðuna svo að við getum sett inn fleiri myndir og oftar og allir geti skoðað voða mikið af myndum ...oft! Ef allt hefur gengið samkvæmt plani þá ættuð þið að geta fundið mynaalbúmin hér á sædbarnum (sidebar) og skoðað myndir frá útgáfutónleikunum 4.nóvember ...og já, svona eins og 3 myndir frá síðustu tónleikum sem voru á Gauknum 11. nóv. Þær myndir eru þó ekki af hljómsveitinni sjálfri heldur (alveg að verða) æstum aðdáendum í sal. Tékkið endilega á þessu ... þið sjáið sko ekki eftir því ;)

Að lokum viljum við svo minna á GESTABÓKINA (líka á sædbarnum) en okkur finnst ekki nógu margir vera búnir að kvitta þar (Þökkum þó Mæju og Magga fyrir frábæra frammistöðu). Eins er alveg frjálst að commenta fyrir þá sem vilja það frekar - eða líka. Kvitta allir saman ... þið sjáið sko ekki eftir því ;)
(t.d. núna, öllum ykkur sem finnst við geðveikt fyndnar, tell us) ;)

Að endingu viljum við þakka Víkingi Hjaltabróður kærlega fyrir myndirnar sem hann tók á útgáfutónleikunum og leyfði okkur að nota :)

Við kveðjum að sinni með orðum DIMMU:

I have to go
I have to go away
but still the show goes on ...

Gaukurinn í kvöld ;)

Halló allir :)
Vildum bara vekja athygli á því að DIMMA er að spila á Gauknum í kvöld ásamt Noise og Precuts!! Þetta verður án efa algjör snilld!!! Þeir sem mættu síðasta föstudag vita hvað við erum að tala um ;)
Vááá hvað það var mikið stuð!!!! En það sem er enn skemmtilegra en að DIMMA sé að spila í kvöld er það að diskurinn DIMMA er komin út!!!!!!!!! LoksinsLoksins!
Diskurinn verður til sölu á Gauknum í kvöld á sérstöku tilboði þannig það er um að gera að mæta á svæðið og nýta sér það ;)
Michael Bruce diskurinn The second coming of Michael Bruce, sem 3 DIMMU meðlimir spila á, verður líka til sölu á staðnum og strákarnir ætla að taka lög af báðum diskunum.

Svo birtast hér von bráðar myndir frá útgáfutónleikunum og að sjálfsögðu líka frá kvöldinu í kvöld!

Sjáumst á eftir ;)

Útgáfutónleikar!!!!!

Loksinsloksinsloksinsloksins. DIMMADIMMADIMMADIMMADIMMADIMMA tónleikartónleikartónleikartónleikar föstudaginnföstudaginnföstudaginnföstudaginn
MÆTIÐMÆTIÐMÆTIÐMÆTIÐ !!!!!!

Hehe...nei, bara smá djók.
En svona í alvöru, ef þið voruð ekki búin að ná því, þá eru útgáfutónleikar DIMMU næsta föstudag á Gauknum. Diskurinn er loksins tilbúinn og er aaaaalveg að koma út - það gerist samt ekki fyrr en í næstu viku (oooo, fúlt að bíða svona lengi) en til að halda upp á það ætla strákarnir í DIMMU að vera með útgáfutónleika á föstudaginn. ...æ, já, vorum víst búnar að minnast á það. En þá getum við sagt ykkur meira frá útgáfutónleikunum sem verða á föstudaginn - 4.nóvember. Það verða nebblega tvennir tónleikar; fyrst fyrir unga og aldna og alla aðra sem eiga lausan tíma (og 500 kall) klukkan 17:00 og svo aftur fyrir alla þá sem langar að eyða föstudagskvöldi með okkur ...á barnum ;) Semsagt á miðnætti það kvöld og kostar bara 500 kall - gjafaprís alveg.
Með DIMMU munu koma fram tvær færeyskar rokkhljómsveitir (ekki á hverjum degi sem maður sér svoleiðis, ha) svo úr ætti að verða skemmtun hin mesta :) Um er að ræða hljómsveitirnar SIC og 48 pages.
Við hvetjum alla til að mæta stundvíslega á tónleikana því það er auðvitað glatað að missa af einhverju lagi. Strákarnir ætla að spila ÖLL lögin af nýju plötunni og auk þess nokkra gullmola s.s. Halo of flies - sem er ógeðslega flott.

SEMSAGT: FÖSTUDAGUR - DIMMA - GAUKURINN - GRÚPPÍURNAR = GETUR EKKI KLIKKAÐ ;)

p.s. DIMMU-lögin Dimma og Dementia eru nú komin inn á vefinn. Hægt er að hlusta á þau hér.

Frá Rokktóberfest

Hér eru nokkrar myndir frá vel heppnuðu Rokktóberfest kvöldi þar sem DIMMA fór á kostum fyrir fullu húsi á Gauk á stöng síðastliðinn föstudag.
Það var brjálað stuð og fyrir ykkur sem viljið sjá meira af DIMMU minnum við á Airwaves tónleika á miðvikudaginn næsta á Gauknum.
Sjáumst þar ;)

14.október o.fl.

Föstudaginn 14.október mun DIMMA koma fram á Rokktóberfest Xfm sem er í gangi á Gauk á stöng þessa dagana.
Auk DIMMU munu hljómsveitirnar Blackstar,Dr.Spock og Brain Police troða upp þetta kvöld.

Svo má að sjálfsögðu enginn missa af DIMMU á Airwaves hátíðinni miðvikudaginn 19. október á Gauknum.

Rétt er að geta þess að útgáfudagur DIMMU plötunnar kemur til með að seinka örlítið en dagsetning útgáfutónleikanna er föstudagurinn 4.nóvember.

Því miður tókst ekki að taka myndir á síðustu tónleikum en það verður svo sannarlega bætt úr því annað kvöld ;)

Sjáumst á Gauknum!

7.október

Við viljum minna alla á að föstudaginn 7.október verður DIMMA með tónleika á Grand Rokk. Rokkið mun hefjast upp úr miðnætti.

Auk DIMMU munu Dead Sea Apple og Nevolution koma fram.
Dauða sjávareplið er nýskriðið saman úr löngu fríi og ætlar að kynna ný lög sem sveitin hefur verið að vinna að undanfarið.
Nevolution (hvernig þýðir maður það?) spilar íslenskan svíametal og gerðu garðinn frægan þegar þeir hituðu upp fyrir Maiden í sumar.

Við gellurnar verðum pottþétt á svæðinu með myndavélina.... hlökkum til að sjá ykkur ;)

Á döfinni í október

Fyrir alla eldheita aðdáendur vildum við láta vita af eftirfarandi:

7. október mun DIMMA halda magnaða tónleika á eðalstaðnum GrandRokk. Allir að mæta!

18. október er stór dagur hjá Dimmu því þá mun fyrsti diskur sveitarinnar koma út. Mun hann (skv. nokkuð áreiðanlegum heimildum) heita einfaldlega "DIMMA" og á honum verður að finna eintóm snilldarlög, auk þess sem hægt verður að skoða myndbandið við Cockey Gutterworm (sem allir ættu að vera farnir að þekkja).

19. október kemur DIMMA fram á Iceland Airwaves hátíðinni og munu tónleikarnir fara fram á Gauki á Stöng.


Við reiknum með að þið hafið tekið eftir nýja linknum hér til hliðar, en hann er á Gestabókina sem við vorum að setja inn :) og viljum við endilega að ALLIR sem hingað kíkja inn kvitti fyrir komunni. Endilega segið okkur hvað sem er, um hljómsveitina, hljómsveitarmeðlimi, lögin, síðuna eða bara hvað sem er. Allar ábendingar vel þegnar, og sérstaklega velkomin öll fögur orð í garð DIMMU.

Grúppíurnar kveðja að sinni.

Mál að hefjast handa ;)

Sko... DIMMA er rokkhljómsveit á hæsta mælikvarða. Leiðir okkar lágu fyrst saman fyrir tæpu ári síðan og eftir það var ekki aftur snúið. Enda eru drengirnir snillingar og ekkert annað.
Fyrir ykkur óheppna fólk sem ekki hafið kynnst þessari hljómsveit ætlum við að segja ykkur nánar frá henni.

Hljómsveitin DIMMA var stofnuð árið 2004 og dregur nafn sitt af tónlist sveitarinnar sem er á köflum dimmt rokk með skírskotum í ýmsar stefnur þ.á.m. Íslenska þjóðlagahefð.
DIMMA er hugarfóstur bræðranna Ingó og Silla Geirdal sem stofnuðu hana upp úr leifum rokksveitarinnar Stripshow.
Stripshow gaf út eina breiðskífu árið 1996; Rokkóperuna “Late-Nite Cult Show” sem kom m.a. út í Japan og Kóreu þar sem yfirvöld ákváðu að banna tónlist sveitarinnar vegna textagerðar og ímyndar drengjanna, sem var í skrautlegra lagi.
Þetta “afrek” kappana vakti athygli utan Kóreu og bauðst Geirdal bræðrum í kjölfarið að spila víðsvegar um Bandaríkin með upprunalegum meðlimum Alice Cooper sveitarinnar, þeim Dennis Dunaway, Neal Smith og Michael Bruce, en sá síðastnefndi fékk þá Ingó og Silla til að stjórna upptökum og spila inn á tvær breiðskífur með sér. Sú fyrri hét "Halo Of Ice" (og var henni dreift um allan heim af Universal) en sú seinni heitir "The Second Coming Of Michael Bruce" og kom út 23. September 2005.
Út frá því lá svo leið Ingó í Quarashi þar sem hann lék m.a. með þeim á hljómleikaferð þeirra til Japan í fyrra og á breiskífunni “Guerilla Disco” sem kom út í Japan á þessu ári.
Hugmyndin að DIMMU kviknaði svo þegar Geirdal bræður fengu söngvarann Hjalta Ómar (áður í Urmul og Brain Police) til að syngja með sér í stúdíó og kom þá ekkert annað til greina en að fá trommarann Bjarka Þór Magnússon (Stripshow) til að berja húðir – og þar með var rokk-skrímslið DIMMA fullskapað!
DIMMA hefur sent frá sér tvö lög til þessa; Fyrst var það lagið “Cockeye Gutterworm”, en myndband við það vakti talsverða athygli fyrr á árinu og nú er það svo lagið “Bullets” sem hljómsveitin lék m.a. í Íslandi í dag á Stöð 2 og í Kvöldþættinum á sjónvarpsstöðinni Sirkus.
Dimma hitaði einnig upp fyrir Alice Cooper á tónleikum hans í Kaplakrika í sumar og fékk toppeinkunn frá sjokk-rokk goðinu fyrir frammistöðu sína á tónleikunum.

Meðlimir DIMMU eru:

Hjalti Ómar Ágústsson ; Söngur
Ingó Geirdal ; Gítar & Söngur
Silli Geirdal ; Bassi
Bjarki Magnússon ; Trommur
(Ragnar Zolberg ; Gestagítarleikari)

DIMMA hefur meðal annars spilað á Grand Rokk og Gauknum, komið fram í Kvöldþættinum á Sirkus og voru ein upphitunarhljómsveitanna á “Dirty Diamonds” tónleikum Alice Cooper í Kaplakrika.

Framundan hjá DIMMU er þátttaka í Iceland Airwaves auk þess sem væntanleg er fyrsta plata sveitarinnar, en hún kemur út í október. Nánar um það síðar.

Hér eru myndir sem voru teknar á síðasta "giggi" sveitarinnar, en það var á Gauknum þann 09. september síðastliðinn.
Enjoy!

Velkomin

Hér er væntanleg aðdáendasíða hljómsveitarinnar Dimmu.
Við Dimmugrúppíur munum setja hér inn allar helstu upplýsingar um Dimmu, meðlimi hennar, og hvað er á döfinni hjá þeim. Auk þess birtum við að sjálfsögðu myndir af strákunum og öðrum áhangendum sem og ýmislegt annað sem við grúppíur höfum grafið upp ;)